| 九點就比呀媽整醒,要幫手去荃灣街市買野過年 諗下原來都成年幾兩年冇同過呀媽去街市買送 拉住部車仔就出門口喇 同呀媽係八面玲瓏食早餐,之後就去左戰場-楊屋道街市作戰 一如所料,迫到隻鞋咁,真係要用擠迫得像罐頭沙丁魚一般黎形容 身邊盡是一班身手矯健,目露兇光,深謀遠慮,各懷鬼胎既街市高手---師奶 已經感覺到有少少唔老黎 一開始想去菜檔買"樣樣有" 點知一路行,一路受襲,左一爭,右一腳,前一車,後一拳 身體無處不受罪,苦不堪言 若非武功高強之人,豈能在街市中奪心頭好而全身而退 好不容易才和媽媽擠身到菜檔的有利位置 看到身旁一位慈祥的老婆婆正為今晚的團年飯費煞思量 這時,老闆指著一棵菜,笑著說,這棵新鮮,夠甜 正欲老婆婆出手之際...... 冷不防從兩人中感到一股殺氣,左臂已食了一記悶棍 未及回神,那囊中物以被五指牢牢緊扣 出手之快,恨,準好比李莫愁殺人不見血的武功 當然,那隻鷹一般的快手並不是屬於慈祥老婆婆 側身一看,一個貌似裘千尺的街市高手已聳立在我倆之間 一手執著戰利品細膩地欣賞的她不發一語 彷彿透過她的沈默,告訴著別人勝負以分 正所謂"君子不奪人所好","君子成人之美,不成人之惡,小人反是" 眾人對她的惡行,無不嗤之以鼻 奈何實力有限,縱心有不甘,都只能禁若寒蟬 老婆婆眼巴巴的看著心頭好被人橫手所奪,眼眸更泛起淚光 富有正義的我,終於按捺不住 靈光一閃,機靈得像令狐沖的我已找到了對策 兩腳一移,假裝跘倒,手膊運勁,往著"高手"的手猛力一轟 瞬雷不及掩耳地使出整套完美無暇的"迷蹤拳",任誰也不能避開 當然,陶醉,沈溺在勝利的"高手"也不例外 只聽到"屌"的一聲 再看她雙目一白,頭腦昏眩,雙手一震,那菜已從手中爭脫 頃刻間,時間像停頓下來,眾人的目光都聚焦在那菜上 那菜從高而落,絲毫不差,準確地落在老婆婆的面前 老婆婆似是感到我的好意,卻之不恭地拾起那心頭好 對我報以一個微笑,轉身便使出凌波微步,如一縷輕煙,消失在擠湧的人群中 群眾們無不為此舉而讚嘆,其中更道:"果然英雄出少年" "路見不平,拔刀相助"乃我做人之宗旨! <完> 之後去左公正磅度等呀媽 一路等,一路睇到d人拎d岩岩買完既送黎磅,睇下有冇比人呃秤 點知10個,有9個都係口up up,屌住鬼,擰住頭咁走 "屌丫","個賣魚佬又呃秤","嘩!袋菜咁多水既"....不能盡錄 心血來潮,想拎呀媽買果斤半蝦出黎玩下d師奶 咁岩又有個拎住條魚既師奶係我側邊等緊 我: (大聲而又高聲地) 嘩! 買斤半都係收我一斤錢,都唔知係咪條賣魚佬個磅壞嫁 師奶: (流露出貪念,驚死蝕底地) 喂,細佬,你d蝦係邊間買嫁? 我: 二樓雞記囉! 師奶: 二樓!? 我: 係呀! 師奶: 邊有魚檔叫雞記嫁!? 同埋二樓明明賣雞嫁喎,邊有魚檔嫁姐... 我: 丫...係喎...記錯左tim,d蝦係石梨街市買嫁 師奶: 係!? 我住石梨嫁bor 我: 係呀!? 咁快d搭車返去買啦,遲d冇嫁喇 師奶: 邊間呀? 我: 好似係二樓 師奶: 咁記唔記得叫咩名? 我: (諗左一諗)...............................雞記 師奶: *#x^y%z..... 屌那媽,其實開頭果度,係個八婆一開頭踩到我隻腳趾尾 我仲要係踢拖,痛到入肺,忍唔住還拖姐都係 哈哈! 原來將自己既快樂建築係別人既痛苦身上 有時都好過癮嫁 志偉祝大家 身體健康,財源廣進,心想事成,豬事順境! |
